حسنِ عورت حقیقت ہے دیکھو سنو

یاسیت ایسی منطق خرد کی نہیں
زندگی تو جنوں کی کسوٹی نہیں

اس کے دامن کو خوشیوں سے بھرتے رہو
دوستو زیست سے بڑھ کے کچھ بھی نہیں

وقت مشکل ہو آخر گزر جاتا ہے
وقت سے یوں شکایت بھی اچھی نہیں

شعر کہنا نشانی جبلت کی ہے
میرا تو دل بھی حالانکہ زخمی نہیں

حسنِ عورت حقیقت ہے دیکھو سنو
حور کا وعدہ ہے وہ بھی حتمی نہیں

خود کشی کرنے لگتے ہو فوراً ہی تم
زندگی دوست اتنی بھی سستی نہیں

منہمک ہو کے اعجازؔ مت دیکھ ہاتھ
ان کی قسمت ہے جن کی ہتھیلی نہیں